Pazienteentzako informazioa:

Bat-batean itxi den hortz-klinika batean tratamendu bat kontratatu duen pertsona orok erreklamatu ahal izango du, baldin eta tratamenduaren zenbateko osoa edo zati bat ordaindu ez bada, eta, horretarako, honako jarraibide hauek bete beharko ditu:

1 Daukan dokumentazio guztia gordetzea (publizitatea, aurrekontua, kontratua, fakturak, ordainagiriak, historia klinikoa).

Historia klinikorik ez badago, burofax bidez eskatu behar zaio klinikari. Eskaera horri erantzunik ematen ez bazaio, Datuak Babesteko Espainiako Bulegoan balia daitezke eskubideak, datu pertsonalak eskuratzeko eskubidea murrizten duelako.

2. Ahal izanez gero, odontologiako profesional batek peritazioa egitea eta salaketa bat aurkeztea bere udalerriko epaitegietan edo Ertzaintzan.

3. Tratamendua finantzatu badu eta lotutako kreditu bat badu, hau da, ondasun espezifikoen hornidurari edo zerbitzu espezifikoak emateari buruzko kontratu bat finantzatzeko soilik balio duen kreditua:

•  Kreditua atxikita duen finantza-erakundeko zerbitzu, sail edo bezeroaren defendatzaileen aurrean erreklamazioa jartzea. Komeni da tratamenduari buruzko dokumentazio guztia aurkeztea, bai eta Ertzaintzaren edo epaitegien aurrean jarritako salaketaren kopia ere.
•  Erakundeak erantzunik ematen ez badu edo erantzuna ona ez bada, erreklamazio bat aurkeztu beharko du Espainiako Bankuan: merkatu Jokabide eta Erreklamazio Sailean (Alcalá kalea, 48 28014 Madril) edo haren sukurtsaletan.

4. Kreditu-txartelarekin ordaindu bada, banku-erakundera jo, kargua baliogabetzeko eta dagokion kontua itzultzeko eskatzeko. Baliogabetzea ukatuz gero, erreklamazioa aurkez daiteke banketxean bertan.

5. Kontsumitzaile gisa eskubideak urratuz gero, erreklamazio bat aurkeztea kontsumo-agintaritzei::

• Zure udalerriko Kontsumitzailearen Informaziorako Udal Bulegoa (KIUB).
• KontsumoBIDE

6. Osasun-agintariei erreklamazioa aurkeztea.

   .